Біздің компанияның 26-29 қазан аралығында Лиссабон қаласында (Португалия) өткен
Менопауза бойынша 18-ші халықаралық конгреске сәтті қатысқанын қуана хабарлаймыз.
Іс-шараға Безен Хелскеа компаниясы өкілдерінің қатысуы менопаузалық ауысу кезінде әйелдерге медициналық көмектің сапасын жақсартуға деген ұмтылысымызды көрсетті. Біздің тақырыптық стенд конгресс қатысушылары үшін өмірдің осы маңызды кезеңінде әйелдердің алдында тұрған күрделі мәселелерге арналған инновациялық препараттармен және шешімдермен интерактивті түрде таныса алатын алаңға айналды.
Осы іс-шараға қатысудағы ерекшеліктеріміздің бірі – менопаузаны емдеу саласындағы жетекші сарапшылармен эксклюзивті кездесулер ұйымдастыру болды. Қызу сессиялар барысында медицина мамандары жаңа әзірлемелер, терапия нұсқалары және менопауза симптомдарын емдеудің озық әдістері мәселелері бойынша мазмұнды талқылаулар жүргізіп, құнды білімдерімен алмасты.
Кездесулерде бірқатар тақырыптар, соын ішінде гормон алмастырғыш терапия, гормоналды емес балама препараттар, симптомдарды емдеу тактикасы және пери- және постменопаузалық кезеңдерде әйелдерді сүйемелдеудің жекелендірілген тәсілдері қаралды. Барлық қатысушылар менопаузаны зерттеу және пациенттерге күтім жасау саласындағы беделді мамандармен тікелей байланысу мүмкіндігін жоғары бағалады.
Безен Хелскеа медицина мамандарының білімін кеңейту және үздіксіз оқыту мен ынтымақтастық арқылы емдеу нәтижелерін жақсарту жұмысын жалғастыра бермек. 18-ші Халықаралық менопауза конгресіне белсенді қатысуымыз кәсіби қоғамдастықта маңызды байланыстар орнатуға және менопауза кезінде медициналық көмектің сапасын жақсартуға үлес қосуға мүмкіндік берді.
Біз Безен Хелскеа компаниясының стендіне қатысқан барлық конгресс мүшелеріне алғыс айтқымыз келеді. Сіздердің арқаларыңызда, қатысуыңыз бен ынта-жігеріңіздің арқасында іс-шара жоғары деңгейде өтті. Конгреске қатыса алмағандардың барлығын біз жаңалықтарымызды және веб-сайтымызды бақылап отыруға шақырамыз.