Сайтты пайдалану ережелері

01. Жалпы ережелер

1.1. Сайтты пайдалану осы Келісімнің ережелерімен және Қазақстан Республикасының қолданыстағы заңнамасының нормаларымен реттеледі. Осы Келісімнің ережелері Сайтқа кіруді және/немесе оны пайдалануды жүзеге асыратын барлық Пайдаланушылар үшін міндетті болып табылады.

1.2. Осы Келісім жария оферта болып табылады. Пайдаланушы Сайтқа қол жеткiзе отырып және оны пайдалана отырып, осы Келiсiмге қосылған және Келiсiмнiң ережелерiн қандай да бiр алып тастаусыз немесе ескертпесiз толық қабылдаған болып есептеледi.

1.3. Сайт Әкімшілігі кез келген уақытта осы Келісімнің шарттарын қандай да бір арнайы хабарламасыз біржақты тәртіппен өзгертуге құқылы. Келiсiмнiң кез келген өзгерiстерi Келiсiмнiң жаңа редакциясы жарияланған сәттен бастап күшiне енедi.

1.4. Келісімнің қолданыстағы редакциясы [besins-healthcare.kz], мекенжайындағы Сайтта жарияланған.

1.5. Пайдаланушы енгізілген өзгерістермен келіспеген жағдайда, ол Сайтқа кіруден бас тартуға, Сайт Материалдары мен сервистерін пайдалануды тоқтатуға міндетті.

1.6. Сайтқа, соның ішінде оның барлық мазмұнына айрықша құқық (Материалдар мен сервистер) авторлық құқық және сабақтас құқықтар туралы заңнаманы шектеусіз қоса алғанда, зияткерлік меншік саласындағы заңнамаға сәйкес қорғалады, Сайтқа, Материалдар мен сервистерге қатысты құқық иеленушілер Әкімшілік және (немесе) «Безен» (Besins) тобының басқа компаниялары болып табылады. Пайдаланушының Сайттың кез келген Материалдары мен сервистерін пайдалануы тек осы Келісімнің ережелеріне сәйкес жүзеге асырылады. Ешкімнің Қазақстан Республикасының қолданыстағы заңнамасына сәйкес алынған құқық иеленушілердің алдын ала жазбаша рұқсатынсыз Әкімшіліктің және (немесе) «Безен» (Besins) тобының басқа да компанияларының тауар таңбаларын және зияткерлік қызметінің өзге де нәтижелерін пайдалануға құқығы жоқ.

1.7. Сайтта ұсынылған Материалдар тек қана ақпараттық болып табылады және денсаулыққа және емдеуге байланысты қандай да бір шешімге, тауарға, жұмысқа, көрсетілетін қызметке немесе әрекетке қатысты консультациялар немесе ұсынымдар беру ретінде қаралмайды. Бұл ақпарат емдеуші дәрігердің ұсынымын ауыстыру болып табылмайды және ешқандай жағдайда диагнозды қою, аурудың себебін немесе физикалық проблеманың туындау себебін анықтау үшін немесе Сайтта олар туралы ақпарат берілген дәрілік препараттарды тағайындау үшін пайдаланылмауы тиіс. Денсаулық пен емдеуге қатысты кез келген мәселелер бойынша Пайдаланушы дәрігермен немесе денсаулық сақтау саласының басқа білікті маманымен кеңесуі тиіс.

1.8. Әкімшілік Сайтта ұсынылған ақпараттың дұрыстығын, өзектілігін, дәлдігін және толықтығын қамтамасыз ету үшін барлық ақылға қонымды шараларды қабылдайды, алайда Сайттағы ақпарат Пайдаланушының оны қарау сәтінде ақпараттың дұрыстығын, өзектілігін, дәлдігін және толықтығын растауды және оған кепілдік беруді, сондай-ақ ақпараттың белгілі бір мақсаттар үшін жарамдылығын растауды және оған кепілдік беруді қоса алғанда, бірақ шектелмей, анық немесе меңзелетін қандай да бір растаусыз және (немесе) кепілдіктерсіз «бар қалпында» беріледі.

1.9. Интернет желісіне қол жеткізу құқығын берудің, бұл үшін тиісті жабдықтар мен бағдарламалық өнімдерді сатып алу мен ретке келтірудің барлық мәселелерін Пайдаланушы дербес шешеді және осы Келісімнің қолданылу аясына жатпайды. Әкiмшiлiк Пайдаланушыға Сайттың үздiксiз жұмыс iстеуiн қамтамасыз етуге және Сайтқа тәулiк бойы қол жеткiзу мүмкiндiгiне қатысты ешқандай растаулар және (немесе) кепiлдiктер бермейдi, өйткенi Сайтты пайдалануға Әкiмшiлiктiң бақылау саласынан тыс факторлар (Интернет-қосылыстың жылдамдығы мен тұрақтылығы, Сайттың жұмысына үшiншi тұлғалардың рұқсатсыз араласуы, техникалық iркiлiстер және т.б.) әсер етуi мүмкiн. Әкiмшiлiк кез келген уақытта Материалдарды, сервистердi және тұтастай Сайттың жұмысына өзгерiстер енгiзе алады, сондай-ақ Сайттың жұмыс iстеуiн қолдау үшiн қажеттi техникалық және басқа да жұмыстарды жүргiзе алады, бұл Сайттың тұтастай немесе Сайттың жекелеген бөлiмдерiне кiрудi уақытша тоқтата тұруға әкеп соғуы мүмкiн.

02. Келісім тараптарының құқықтары, міндеттері және жауапкершілігі

2.1. Пайдаланушы қазақстандық заңнаманы, кез келген юрисдикцияның кез келген өзге қолданылатын құқығын немесе халықаралық құқық нормаларын, оның ішінде авторлық және/немесе сабақтас құқықтарды қоса алғанда, зияткерлік меншік саласындағы құқықтарды бұзу ретінде қарастырылуы мүмкін ешқандай іс-әрекет жасамауға, сондай-ақ Сайт пен Сайт сервистерінің қалыпты жұмысын бұзуға әкелетін немесе әкелуі мүмкін іс-әрекеттер жасамауға келіседі.

2.2. Сайт Материалдарын Әкімшіліктің алдын ала жазбаша келісімінсіз пайдалануға жол берілмейді.

2.3. Қорғалатын авторлық туындыларды қоса алғанда, Сайт Материалдарына Әкімшіліктің келісімінсіз дәйексөз беруге жол беріледі, бірақ мұндай дәйексөз беру туралы Әкімшілік тек қана ғылыми, пікірталас, сыни, ақпараттық, оқу мақсаттарында, автордың шығармашылық ниетін ашу мақсатында дәйексөз келтіру мақсатында ақталған көлемде жазбаша хабардар етілуі тиіс. Көрсетілген мақсаттарда Сайт материалдарынан дәйексөз келтіру кезінде Сайтқа сілтеме жасау міндетті.

2.4. Әкімшіліктің Сайтта басқа интернет-ресурстарға, оның ішінде Әкімшілік пен оның әріптестері өткізетін іс-шаралар туралы ақпараты бар сайттарға сілтемелер орналастыруға құқығы бар. Бұл Келісім осы ресурстарға қолданылмайды және Пайдаланушы оларды пайдалануға қатысты дербес шешім қабылдайды.

2.5. Пайдаланушы кез келген ықтимал немесе туындаған залалдарға, соның ішінде тікелей немесе жанама залалдарға, жіберіп алған пайдаға, нұқсанға, тиісті шығыстар мен шығындарға, немесе Сайттың кез келген мазмұнына, зияткерлік қызмет нәтижелеріне құқықтарды тіркеуге және осындай тіркеу туралы мәліметтерге, ол Сайтта орналастырылған ақпаратты немесе сыртқы ресурстарға сілтемелерді пайдалана отырып кірген сыртқы сайттарға немесе ресурстарға не Пайдаланушының өзге де байланыстарына қол жетімді немесе алынған тауарлармен, жұмыстармен немесе көрсетілетін қызметтермен байланысты кез келген басқа залалдарға байланысты Сайт Әкімшілігінің Пайдаланушы алдында жауапты емес және тікелей немесе жанама міндеттемелері жоқ екенін мойындайды және онымен келіседі. Сайтты пайдаланушы Сайтқа кіруді және оны өз қаупі мен тәуекеліне пайдалануды жүзеге асыратынын растайды. Әкiмшiлiк қол жеткiзу нәтижесiнде немесе қол жеткiзудiң мүмкiн еместiгi нәтижесiнде не осы Сайтты пайдалану нәтижесiнде немесе пайдалану мүмкiн еместiгi нәтижесiнде не Пайдаланушының Сайтта берiлген ақпаратқа сүйенуi себебiнен туындаған нұқсан немесе залал үшiн жауапты болмайды.

2.6. Пайдаланушы Сайттың барлық Материалдары мен сервистері немесе олардың кез келген бөлігі жарнамамен сүйемелденуі мүмкін деген жағдайды қабылдайды.

2.7. Әкімшілік Пайдаланушыларды сәйкестендіру технологияларын, оның ішінде куки (сookie) — файлдарды, яғни Пайдаланушының баптаулары туралы ақпараты бар файлдарды және басқа да мәліметтерді пайдалана отырып пайдалануға, сондай-ақ көрсетілген технологияларды Пайдаланушылардың артықшылықтарын зерделеу үшін маркетингтік мақсаттарда пайдалануға құқылы. Бұл ретте мұндай сәйкестендіру жекешелендірілмеген, иесіздендірілген және жалпыланған сипатта болады, Әкімшілік жекелеген Пайдаланушылардың іс-қимылдарын қадағаламайды және олар туралы мәліметтер беруді жүзеге асырмайды. Дегенмен, көрсетілген мәліметтер Қазақстан Республикасының қолданыстағы заңнамасына сәйкес уәкілетті мемлекеттік органдарға берілуі мүмкін. Пайдаланушы өзінің компьютерінің немесе ұялы құрылғысының браузерін барлық cookie файлдарын қабылдамайтындай немесе олардың жіберілгені туралы хабарлайтындай етіп баптауға құқылы, ол үшін Пайдаланушы браузерді пайдалану жөніндегі нұсқаулыққа жүгінуі тиіс. Пайдаланушы cookie-ді өшірген кезде Сайттың барлық беттерін тиісті түрде көрсетуге кепілдік берілмейді.

2.8. Егер Пайдаланушы осы Келісімнің немесе Қазақстан Республикасының қолданыстағы заңнамасының ережелерін бұзды деп есептесе, Сайт Әкімшілігі кез келген уақытта және кез келген себеп бойынша және алдын ала немесе кейіннен хабарламай-ақ Пайдаланушыға Сайтқа немесе оның жекелеген Материалдары мен сервистеріне рұқсат беруден бас тарта алады.

2.9. Пайдаланушы осы Келісімнің шарттарын бұзған жағдайда, Пайдаланушы Қазақстан Республикасының қолданыстағы заңнамасына және осы Келісімге сәйкес жауапкершілікке тартылуы мүмкін.

2.10. Егер орындалмаудың (тиісінше орындамаудың) себебі оларға өзгелермен қатар Келісім жасалғаннан кейін туындаған және Тараптардың Келісім бойынша өз міндеттемелерін орындауына кедергі келтіретін төтенше және осы жағдайларда еңсерілмейтін мән-жайлар жататын еңсерілмейтін күш мән-жайлары (форс-мажорлық мән-жайлар) болып табылса, Әкімшілік пен Пайдаланушы осы Келісімде көзделген міндеттемелерді орындамағаны немесе тиісінше орындамағаны үшін жауапкершіліктен босатылады.

03. Басқа ережелер

3.1. Осы Келісімнен немесе оған байланысты туындайтын барлық ықтимал даулар Қазақстан Республикасының қолданыстағы заңнамасына сәйкес шешілуге тиіс.

3.2. Осы Келiсiм Пайдаланушы мен Сайт Әкiмшiлiгi арасында агенттiк қатынастарды, бiрлескен қызмет жөнiндегi қатынастарды, еңбек қатынастарын немесе Келiсiмде тiкелей көзделмеген қандай да бiр өзге де қатынастарды орнатпайды.

3.3. Соттың осы Келісімнің қандай да бір ережесін жарамсыз немесе қолдануға жатпайды деп тануы Келісімнің қалған ережелерінің жарамсыздығына әкеп соқпайды.

3.4. Пайдаланушылардың қайсыбiрi осы Келiсiмнiң ережелерiн бұзған жағдайда Сайт Әкiмшiлiгiнiң шаралар қолданбауы құқықтардан бас тартуды бiлдiрмейдi және Сайт Әкiмшiлiгiн Қазақстан Республикасының заңдарына сәйкес өздерiнiң заңды құқықтары мен мүдделерiн қорғау мақсатында тиiстi iс-қимылдар жасау мүмкiндiгiнен айырмайды. Пайдаланушы осы Келісімнің барлық шарттарымен танысқанын және онымен келісетінін растайды және оларды сөзсіз қабылдайды.

3.5. Осы Келісім осы Келісімнің Тараптары оны тоқтатқан немесе бұзған кезге дейін осы Келісімде және Қазақстан Республикасының қолданыстағы заңнамасында көзделген тәртіппен және шарттарда қолданылады.